Dünya ölkələri haqqında maraqlı faktlar

Ən çox insanın həbsxanada saxlanıldığı ölkə

ABŞ. Bu ölkədə dünya əhalisinin 5%-i, məhbusların isə 25%-i yaşayır. Burada həbsxana həyatı yaşayanların sayı 2.2 milyon təşkil edir.

Bu siyahıda ikinci yeri 1.5 milyon nəfərlə Rusiya, üçüncü yeri 870 min nəfərlə Çin tutur.

Ən kök vətəndaşlara malik ölkə

Nauru. Bu kiçik ada-dövlətin əhalisinin 95%-i artıq çəkiyə malikdir. Səbəb? - Elə ciddi bir səbəb yoxdur. Onlar, sadəcə, çox yeyir və az hərəkət edirlər.

Tezliklə su altında qalma ehtimalının ən böyük olduğu ölkə

Maldiv adaları. Maldiv adalarının sakinləri adanın su altında qalması fikri ilə bağlı böyük narahatlıq keçirirlər: qlobal istiləşmə səbəbilə ada hər il tədricən "suya enir".

Ən çox saat qurşağını əhatə edən ölkə

Fransa. Fransanın bütün torpaqlarını saysaq, bu ölkə 12 saat qurşağında yerləşir.

Müqayisə üçün: ABŞ 11, Rusiya isə 9 saat qurşağında yerləşir.

Dünyanın yolları mərcandan olan yeganə ölkəsi

Quam adası. Quamda təbii qum yoxdur. Bu səbəbdən orada asfaltı mərcan və neftdən istifadə etməklə hazırlayırlar.

Dünyada ən çox gölə malik ölkə

Kanada. Dünyadakı göllərin 60%-i Kanada ərazisində yerləşir. 3 milyondan artıq göl bu ölkə ərazisinin 9%-ni əhatə edir.

Ən quraq ölkə

Liviya. Liviyanın 99% ərazisini səhra təşkil edir. Ölkənin bəzi bölgələrində onillərlə yağış yağmır.

Dünyanın ən böyük tiryək istehsalçısı

Əfqanıstan. Dünyadakı tiryəyin 95%-i burada hazırlanır.